MAANASAM

കരിയില പറന്നും മണ്ണാംകട്ട അലിഞ്ഞും
ങാ ...
അങ്ങിനെ ഒരുമിച്ചൊരു ദിനം കുഞ്ഞെലിയും കുട്ടിയും യാത്രയായി.
കുഞ്ഞെലി പുലി ...
ബഹു മിടുക്കന്‍ ...സരസന്‍.
സുഖമുള്ള യാത്ര.
അങ്ങനെ ...
അങ്ങനെയങ്ങനെ ...
ഇരുട്ടായി പോകെ പോകെ.
തിളക്കത്തില്‍ കുട്ടിക്ക്‌ ഇരുള്‍ ഇരുളായി.
സ്വപ്നങ്ങള്‍ നെയ്ത്‌ നെയ്ത്‌ കുട്ടി വാടി.
പുറമേ എല്ലാമെല്ലാം പിന്നോട്ടോടി.
കണ്ണിണമേല്‍ തൂക്കം.
"സൂത്രമുണ്ട്‌ ... ഒരു മുറി"
കുഞ്ഞെലി ബഹു മിടുക്കന്‍ ...
സരസന്‍ ... തുരപ്പന്‍
ഒക്കെ തരമാക്കി.
തണുത്ത ഇരുള്‍
കനത്ത ഇരുള്‍
വാസന വാസന
കുഞ്ഞെലി തുരന്നു
"അയ്യോ ...
എന്തിനാ തുരക്കുന്നേ കുഞ്ഞെലീ"
"അതെണ്റ്റെ ഹാബിറ്റാ കുട്ടീ"
"വേണ്ട കുഞ്ഞെലീ ... വേണ്ട"
"മുണ്ടാണ്ടിരി കുട്ടീ"
"നിക്ക്‌ പേടിയാവുന്നു കുഞ്ഞെലീ"
"ന്തു വന്നാലും ഞമ്മളില്ലേ കൂടെ ...
ഒപ്പം ചങ്ങായി മാരും"
"ഞാനിപ്പ ചാവും കുഞ്ഞെലീ"
"ഒരു കദ പറയട്ടെ? ...
പിന്നെ പിന്നെ ...
ലാസ്റ്റായപ്പോ ...
കരിയില പറന്നും പോയി
മണ്ണാംകട്ട അലിഞ്ഞും പോയി."